瑞士糖醜女 原來是美女

電視廣告得嗰十秒八秒，不嬲都係要搵啲有咁靚得咁靚嘅男女，力求喺最短時間之內達到最多吸睛功效。FBI真係服咗瑞士糖，用咁多錢請Eason做代言拍初戀feel新廣告，女主角竟然被全港觀眾唾棄，搞到人極度不安喎。FBI追查下，發現呢位女主角名叫楊之瑤，係上海戲劇學院嘅畢業生，亦係名模，歷年舊相全部靚到嘩一聲，只係今次要淡妝拍瑞士糖廣告先出事咋。

似Baby

其實女主角名模兼演員楊之瑤係上海戲劇學院出身，舊相不知幾潮幾省鏡，有啲似Angelababy。